Айтайлик, бир узингиз ёки танишингиз билан кинотеатрга тушдингиз. Фильм бошланди. Маза килиб кураман, деганинигизда, ён-атрофингизда тахминан 3-4 ёшдаги боланинг йигиси эшитилади. Онаси бир амаллаб тинчлатганда, яна кимларнингдир уяли алокаси “жиринг-жиринг” килади. Натижада экрандаги фильмни эмас, залдаги “томоша”ни курасиз.

Алишер Навоий номли кинотеатрда утказилган “Хеч качон алвидо деманг” фильмининг премьерасида хам худди шундай манзарани куриш мумкин эди. Фильм бошланди...

Биринчи манзара
Фильмга аксарият ота-оналар таъкидлаганимиздек, ёш болалари билан келишди. Уч катор юкоридаги уриндикда утирган она фарзандини тиззасига утказиб олган экан, болакай ерга тушаман, дея тупалон килди. Боланинг бакир-чакиридан кейин она уни ерга туширди. Болажонга карангки, узини худди болалар богчасида юргандек, залнинг у бошидан бу бошига югуриб келаверди. Она унинг ортидан на фильм кургандек булди, на ён-атрофидагиларга фильм куриш имкониятини яратиб берди.

Иккинчи манзара
Фильмнинг урталарида ота фарзанди билан залга кириб келаётиб, унга танбех бермокда:

— Сенинг хожатингни деб, фильмни ярмини утказиб юбордим.

Учинчи манзара
Бу манзара купчиликда кузатилди. Уяли телефон жиринглаши муаммоси. Йигит-кизлар мобилини вибрацияга куйса буладики, хаммаси уз “сотка”сидаги мусикасини реклама килиш билан овора.

Туртинчи манзара
Фильм тугади. Зални тарк этарканмиз, уриндикларда баклажка, попкорн идишлари ва хоказолар ётарди. Бизнингча, залда чикинди солиш учун махсус идишларни жорий этиш зарур.

ЧИКИШ ёхуд
EXIT (хулоса билан)
Бундай манзараларни юртимиздаги хар бир кинотеатрда кузатиш мумкин. Истагимиз, биз фильмни курайлик, унинг мазмунини тушунайлик, магзини чакайлик. Европада бир фильмни куриш истагида булган инсон кинотеатрга кино куриш учун боради. Шунинг учун хам уларда кино маданияти юкори даражада шаклланган-да!

Хаёт ФАЙЗИЕВ

Жасур ХАМРОЕВ

Сиз кандай фикрдасиз?