Рональдинио - йилнинг энг яхши футболчиси
Профессионал футболчиларнинг халқаро ташкилоти - FifPro Гаучо Рональдинио 2006 йилнинг энг яхши футболчиси деб топилганини эълон қилди.
FifPro ташкилоти 2005-2006 йилларда ким яхши ўйинчи бўлгани борасидаги сўровда қирқ уч минг футболчи иштирок этганини маълум қилган. Чемпионлар лигаси ва Испания чемпионатида ўтказилган ўйинларда "Барселона" клуби сафида Рональдинио асосий ролни ўйнаган бўлса-да, бироқ Жаҳон кубоги учун мусобақаларида у ўзини кўрсата олмади. FifPro энг яхши 11 футболчи рўйхатини эълон қилган, бу жаҳон терма жамоасидир. Бу рўйхатга 2006 йилги Жаҳон кубогини қўлга киритган Италия терма жамоасининг тўрт нафар ўйинчиси киритилган. Булар Жанлуиджи Буффон, Фабио Каннаваро, Жанлука Замбротта ва Андреа Пирлодир. Футбол бўйича Жаҳон чемпионатининг финал ўйинида Марко Матераццига калла қўйгани учун майдондан чиқариб юборилганига қарамасдан футболчи сифатида фаолиятини якунлаган Зайниддин Зидан ҳам бу рўйхатдан жой олган. Шунингдек Франция терма жамоасидан Терри Анри ва Лилиан Турам 11 яхши ўйинчи сафидан жой олганлар. "Барселона" клуби ва Аргентина терма жамоаси футболчиси Лионел Месси энг яхши ёш ўйинчи мукофотига сазовор бўлган. Футбол ишқибозлари эса Англиянинг "Манчестер Юнайтед" клуби ва Португалия терма жамоаси ўйинчиси Кристиано Рональдони энг яхши ёш ўйинчи деб топганлар. "Барселона" ва Камерун терма жамоаси ўйинчиси Самуэль Это'о ирқчиликка қарши айтган сўзлари учун "футболга ижобий улуш қўшганлиги" учун мукофоти билан ҳам тақдирланган. -------------------------------------------------------------------------------- FifProнинг терма Жаҳон жамоаси Дарвозабон: Жанлуиджи Буффон(Италия/"Ювентус") Ҳимоячилар: Лилиан Турам (Франция/"Барселона"), Фабио Каннаваро(Италия/"Реал" Мадрид), Жон Терри (Англия/"Челси"), Жанлука Замбротта(Италия/"Барселона") Ярим ҳимоячилар: Андреа Пирло (Италия/"А.С Милан"), Зайниддин Зидан, Кака (Бразилия/"А.С Милан") Ҳужумчилар: Самуэль Это'о (Камерун/"Барселона"), Терри Хенри(Франция/"Арсенал"), Рональдинио (Бразилия/"Барселона")
| 
