Эл севган хофиз, элдан йирокда
Шерали Жўраев шубхасиз, ўзбек халкининг энг севимли кўшикчиси бўлса керак. Ўзбекистоннинг кай бир бурчагига борманг, таксига, автобусда ўтирманг, ёки бирор чойхонада чойхурлик килманг, хофиз хам ўз кўшиклари билан сизга хамрох, хамдард. Демокчи бўлганим, хофиз кўшиклари ёзилган аудио касеталар, СД лар шу кадар кўп таркалган. Баъзан мунгли, баъзан шўх ва яна баъзида кишини ўйлантириб куйгувчи хофиз акамиз ашулаларини тинглаётган бу халк афсуски, унинг суратини, жисмини ойнаи жахон оркали кўра олмайди, хаётий мавзулардаги сухбатларини матбуот сахифаларидан ўкий олишмайди. Хофиз элдан, эл хофиздан кўзга кўринмас деворлар билан тўсилган. Шукрки, бу девор унинг забардаст куй кушикларини кайтара олмаяпти. Шерали Жураев Ўзбек теле радиоларида такикланган ягона хофиз эмас, Миллатпарвар Дадахон ака Хасанов хам йиллардирки, мана шу такик курбони. Эстрада юлдузимиз Юлдуз Усмонова хам бир канча фурсат мана шўндайин маънавий зулм курбони бўлган, ва «тавба тазарру» иш бериб яна халки ихтиёрига куйилганди. Ўзбекистонда фикран хукумат мавкеига карши ёда баъзан уни танкид килган зиёлилар бу каби жабр кўриши биринчи марта эмас. Лекин, халк эътиборидан юлиб олиш биринчи, аммо, жуда огир жазо бўлса керак, хар кандай ижодкор учун. Ўйгок шахсларни фикрлари учун такиб этиш бу билан чекланиб колмайди, баъзан кишиларни танкидий фикрлари учун камокка жўнатиш хам Ўзбекистонда учрайдиган холатлардан. Сўз ва фикр эркинлиги борасида Халкаро Ташкилотлар чикараётган хисоботларда Ўзбекистон хар доим руйхатдан охиридан битта олдинги уринни эгаллайди. Ундан кейин кайси мамлакат деб ўйлаётган бўлсангиз, у хам бегона эмас. Сапармурод Ниёзовнинг подшохлиги хисобланмиш, кўшни Туркманистон. Лекин, Ўзбекистон хукумати бу каби хисоботларни асоссиз, гаразли деган жавоблар билан ёлгонга чикаришга харакат килади. Бирок, Шерали Жураевнинг теле экранларда кўринмаслиги, хофиз Дадахон Хасановнинг умуман касетасини хам сота олмаслиги ва ёки хукумат сиёсатини танкид килгани учун такибга учраётган инсон хукуклари фаоллари Ўзбекистонда хакикатта суз эркинлигинг йўклиги ва халкаро хисоботларнинг ростлигига исбот эмасми? Энди савол тугилади, хуш нега хукуматга ёкмаган кишилар халк эътиборидан узоклаштирилади. Бу холат асосан сўз эркнилиги хамда танкидни кўтара олмайдиган рахбарлар бошкарувда бўлган жамиятларга хос белги. Бу рахбарлар сиёсатининг танкид килинишини ўз обрусининг пасайишига олиб келиши мумкин деб ўйлашар, балки худди хозирги холатда халк орасида обруси жуда баландек. Бошка томондан ачинарли томони шундаки, халк пулига бунёд этилган Телевидение ёки радио каналларда халк нима тинглашини, кимни тинглашини халк иродасидан келиб чикиб эмас, бир юкори давлат рахбари кайфияти белгилаши, биз 21 асрда халк республикасида эмас, кимнингдир подшохлигида яшаётганимиздан дарак бераётгандек. Ёпикликка, репрессияларга курилган собик СССР ошкораликка дош беролмай ўзидан ўзи парчаланиб, йўк булиб кетгани катта тарихий сабок бўлганди. Дунёда хамма мамлакатлар демократик йўлга ўтаркан, Ўзбекистонда хам бир кун келиб хакикий ошкоралик бўлишига хеч ким шубха килмайди. Лекин, бу кандай юз беради, тўпалонлар ва йўкотишлар билан эмас, балки тинч мушохадали бахслар, ўзаро тушунишлар билан кечсин ишкилиб.
|
