Главная » 2006»Сентябрь»30 » Арашнинг ранжиган мухлислари ва Насиба Абдуллаевнанинг кувончи.
Арашнинг ранжиган мухлислари ва Насиба Абдуллаевнанинг кувончи.
13.58
Тожикистон пойтахти Душанбе шахрининг марказий стадионида Шаркнинг ўта машхур юлдузи Араш иштирокида мустакиллик байрами шарафига аталган шоу консерти бўлиб ўтиши лозим эди, Арашнинг Тожикистонда жуда кўп мухлислари борлиги ва концерт текин бўлганлиги учун стадионга 40 минг киши йигилган. Номаълум сабаблар билан шоу концерт кечиктирилади ва унинг кейинга колдирилиши хакида гап таркалади. Бу хабардан газабланган ёшлар гавго, тўполон кўтаришган ва тартиб назоратчилари билан муштлашув бошланган. Стадион атрофидаги ўнлаб автомашиналарни агдариб, ойналарини синдириб ташлашган. Ёшлар бу билан каноатланмай шахарнинг марказий майдонларидан бири томон юра бошлашган. Лекин уларни милисия мулозимлари таркатиб юборишган. Йигирмага якин безори кўлга олиниб, хозирда тергов иши олиб борилмокда. Ёшларнинг севимли хофизи Арашнинг консерти кеч бўлса-да бўлиб ўтган. Тожикистоннинг яна бир йирик шахри Хўжандда Ўзбекистон халк артисти Насиба Абдуллаева иштирокида консерт бўлиб ўтган. Концертнинг эртасига бўлиб ўтган матбуот йигинида ўзбекистонлик машхур санъаткор гарчи охирги марта Хўжандда бундан олдин 13 йил илгари консерт берган бўлса-да, тожикистонлик мухлислари ўзини унутишмаганидан мамнунлигини билдирган, Унинг айтишича кўшикларига жўр бўлиб, раксга тушаётган ёшларни кўрганида юраги кувончга тўлган. Насиба Абдуллаева журналистларнинг Ўзбекистон ва Тожикистон ўртасидаги виза тартиби хакидаги саволларига, тез орада бу масала ижобий хал этилишига ишонишини айтган. Унинг фикрича, агар орадаги виза тартиби бекор килинса, хар икки кўшни мамлакат санъаткорларига хам тез-тез ижодий сафарлар уюштириш имконияти пайдо бўлади.
